ភ្នំពេញ : គ្រោះអគ្គិភ័យដ៏រន្ធត់មួយ បានកើតឡើងបណ្ដាលឲ្យមនុស្សចំនួន៦នាក់ រងរបួសធ្ងន់-ស្រាល ហើយ ត្រូវបានកម្លាំងនគរបាលបញ្ជូន ទៅកាន់មន្ទីរពេទ្យភ្លាម។
ហេតុការណ៍នេះបានកើតឡើងនៅវរលាម៉ោង៩និង២៥នាទីព្រឹកថ្ងៃទី១៦ ខែមិថុនា ឆ្នាំ២០១៧នេះ ត្រង់ចំណុចផ្លូវបេតុង លេខ១៩៦២ ស្ថិតនៅក្នុងភូមិក្រាំងអង្ក្រង សង្កាត់ក្រាំងឆ្នង់ ខណ្ឌសែនសុខ រាជធានីភ្នំពេញ។
នគរបាលបានរាយការណ៍ថា : ហេតុការណ៍នេះបង្កឡើងដោយរឺម៉កដឹកហ្គាស ដែលកំពុងធ្វើដំណើរតាមផ្លួវ ក៏ទៅប៉ះនិងតូបលក់សាំងនៅក្បែរនោះ បណ្ដាលឲ្យមានអគ្គិភ័យឆាបឆេះនេះតែម្ដង។ ក្នុងនោះផងដែរកម្លាំងនគរបាលបានប្រើប្រាស់ ឡានទឹកអស់ចំនួន៧គ្រឿងទៅជួយអន្តរាគមន៍ផងដែរ។
ក្នុងហេតុការណ៍នេះបណ្តាលអោយមានមនុស្សរងគ្រោះរហូតដល់ទៅ ៦នាក់ ក្នុងនោះ ៤នាក់របួសធ្ងន់ និង២នាក់រងរបួសស្រាល ហើយខូចខាតសម្ភារៈរួមមាន៖
ម៉ូតូ៤គ្រឿង ម៉ូតូកង់បី១គ្រឿង ម៉ូតូរឺម៉ក១គ្រឿង កន្ទុយរឺម៉ក១គ្រឿង រទះលក់ទាខ្វៃ១ ម៉ាស៊ីនភ្លើង១គ្រឿង ធុងហ្គាសចំណុះ45គីឡូ ចំនួន10ធុង និងទ្រព្យសម្បត្តិមួយចំនួនទៀត។
បច្ចុប្បន្ន អ្នករបួសទាំងមនុស្ស៦នាក់ខាងលើនេះ កំពុងធ្វើការសង្គ្រោះបន្ទាន់ នៅឯមន្ទីរពេទ្យ ៕
