ក្រុមហ៊ុនផលិតទូរស័ព្ទ Nokia បានបង្ហាញពីក្តីរំពឹងទុកយ៉ាងខ្លាំងចំពោះ ទូរស័ព្ទ Nokia 3310 ថ្មីរបស់ខ្លួន ដែលជាកំណែទម្រង់ពីម៉ូដែលមួយដែលធ្លាប់ទទួលបានភាពជោគជ័យខ្លាំងបំផុត ។
Nokia 3310 បានចេញជាលើកដំបូងកាលពីឆ្នាំ ២០០០ ហើយរយៈពេល ៥ ឆ្នាំក្រោយមកត្រូវបានផ្អាក ហើយក៏ត្រូវបានគេទទួលស្គាល់ថាជាទូរស័ព្ទកាន់ថ្មបានយូរ ធន់នឹងការធ្លាក់ មានហ្គេមពស់ដ៏ពេញនិយម ហើយម៉ូដែលនេះត្រូវបានផលិតចំនួន ១២៦ លានគ្រឿង ។
Nokia 3310 កំណែទម្រង់ថ្មីក្នុងតម្លៃ ៤៩ € ស្មើនឹង ៥១.៧៨ $ និងត្រូវបានដាក់លក់នៅចុងឆ្នាំនេះ នឹងមានថ្មអាច Stand by បានរយៈពេលមួយខែ បើប្រៀបធៀបជាមួយម៉ូដែលចាស់ដែលកាន់ថ្មបានចំនួនតែ ១១ ថ្ងៃ ។
Stand by ម៉ូតមានន័យថា ទូរស័ព្ទមានថាមពលថ្មពេញ ហើយអាចទុកនិយាយ និងផ្ញើសារ ។
Nokia 3310 ម៉ូដែលថ្មីនេះបើយើង Call និយាយវិញអាចបានរហូតដល់ ២២ ម៉ោងបានយូរជាងម៉ូដែលចាស់រហូតដល់ទៅ ១០ ដង និងសម្រាប់អ្នកដែលជា Fan របស់ហ្គេមពស់វិញ វានឹងមានហ្គេមពស់ដូចមុន។
តែសម្រាប់ការប្រើប្រាស់អ៊ីនធឺណែតវិញ ម៉ូដែលថ្មីនេះគ្មាន wifi នោះទេ គឺមានតែអ៊ីនធឺណែត ២.៥ G ក្នុងស៊ីមកាតតែប៉ុណ្ណោះ ។
HMD Global ជាម្ចាស់យីហោ Nokia បាននិយាយថា ម៉ូដែលថ្មីនេះផ្តោតទៅលើអ្នកដែលកំពុងស្វែងរកទូរស័ព្ទនិយាយយូរមិនក្តៅ ទុកសម្រាប់តែ Call និងផ្ញើសារ ។
Nokia 3310 ម៉ូដែលថ្មីនេះមានពណ៌ចម្រុះក្នុងនោះមានពណ៌ខៀវចាស់ ក្រហម លឿង និងប្រផេះ ៕
